✨ Reports on Māori meetings
111
ki Wairarapa, me tuhi atu me ki
atu, Kaati me he hui noa; erangi kia
hoki ratou ki o ratou kainga, tahuri ai
ki te hauhake i nga kai, ki te mahi
hoki i te whenua, kia ai ai he uta he
oranga mo ratou. Heoi ano taku."
Heoti ano, hei konei ka kiia atu e te
tangata kua whakaritea hei Rangatira
mo taua hui ra, Kia haere ki te kai; a
ki te mea tena atu ano he korero hei
muri ano korero ai.
Na, ka haere ki tetahi atu ruma nui
o taua whare ra. Kua maoa te kai,
kua takoto. Na Te Para i karakia;
na Te Puni te kupu whakahau, i ru-
nga i te waina, "Hei ora ki Te Kuini."
Heoi ano ka mutu marie te kai, ka
heuheu nga tangata ki tona kainga ki
tona kainga i runga i te aroha.
HE PUKAPUKA TENEI NA TAMI-
HANA KI TONA HOA PAKEHA
KI A TE PEEKA.
No Otaki,
Aperira 6, 1860.
E HOA,—
Tena koe, tenei au kei te tuhi atu
ki a koe, kia rongo ai koe i nga korero
i korerotia ki te hui a Ngatiraukawa.
I hoki mai au i taua hui i te Taitei,
5 o nga ra. Na, ko nga korero i kore-
rotia ki taua hui he korero pai. No
Ngatiraukawa no Ngatitoa no Ngati-
awa taua hui.
No te Parairei, 30 o nga ra o Maehe,
i haere ai au ki te hui; rokohanga
atu e tatari ana ratou ki au. Ko te
kainga i te hui ra, ko Katihiku, kei te
taha ki te tonga o te awa ki Otaki. Ko
etahi o nga Rangatira kua whai korero
i te Taitei. I rongo ai ki te korero a
Nepia Taratoa, ki te korero hoki a Te
Ahi, te Rangatira o Ngatihuia, he pai
anake a ratou korero. Taku hokinga
mai ki Otaki, ka whakamutua e matou
te hui. Tenei te tikanga nui o taua
hui, Kia whakaaro tahi matou kia rongo
tonu ki Te Kuini o Ingarani o Niu Ti-
rani, kia waiho a Ngatiawa ki Tara-
naki mahi atu ai i ana mahi. Na, tenci
nga Rangatira i whai korero pai; ara
ko te Ahi Karamu, ko Nepia Taratoa,
ko Matenga te Matic, ko Te Ahi, ko
Karanawa te Kapukai, ko Ihakara Ta-
hurangi, ko Ahau ano hoki, me etahi
atu me etahi atu. Na etahi o nga tu-
tua i korero pohehe; heoti, na matou i
riri atu, a ka mutu. Kei te 5 pea o
nga rau ki taua hui. Ka mutu te hui
i te ahiahi o te Parairei, ka ki atu au ki
ia iwi ki ia iwi, kia hoki atu ki a ratou
mahinga kai noho ai mahi ai, kaua e
hui, erangi me whakamutu. No te Ha-
tarei, 31 o nga ra, hoki atu ai nga ta-
ngata katoa ki tona kainga ki tona
kainga. Heoti ano, ka mutu tenei hui
ki Otaki.
Na, e ta, kaua e whakarongo ki nga
korero kino korero parau a nga Maori
kino a nga Pakeha. Kei mea koe, kei
te whakariterite puku nga tangata i nga
mahi whakararuru; kahore, kore
rawa atu he whakaaro kino.
Mau e tuhi mai ki au nga korero
hou no Taranaki, no hea atu no hea
atu.
Na, to hoa,
NA TAMIHANA
TE RAUPARAHA.
Hawke's Bay Provincial Gazette 1860, No 20
✨ LLM interpretation of page content
🪶
Continuation of report on public meeting in Wellington regarding Taranaki affairs
(continued from previous page)
🪶 Māori AffairsWellington, Taranaki, Māori meeting, speeches, peaceful coexistence, Te Puni, Te Para
- Te Para, Said grace at meeting
- Te Puni, Proposed toast to the Queen
🪶 Letter from Tamihana Te Rauparaha to Mr. Baker regarding a meeting at Otaki
🪶 Māori Affairs6 April 1860
Letter, Otaki, Ngatiraukawa, Ngatitoa, Ngatiawa, Katihiku, Taranaki, loyalty to the Queen
7 names identified
- Tamihana Te Rauparaha, Author of letter
- Te Peeka (Mr.), Recipient of letter
- Nepia Taratoa, Speaker at meeting
- Te Ahi, Speaker at meeting
- Matenga te Matie, Speaker at meeting
- Karanawa te Kapukai, Speaker at meeting
- Ihakara Tahurangi, Speaker at meeting