1702

THE NEW ZEALAND GAZETTE.

[No. 111

Tari o Te Kooti Whenua Maori,
Akarana, Tihera 8, 1881.

NOTEMEA i tetahi Kii Runanga i puta i te 12 o nga ra o Hanuere, 1867, i mahia nei i runga i nga tikanga o “Te Ture Whakanohonoho Kainga i Niu Tireni, 1863,” me etahi Ture hoki whakatikatika i taua Ture, i mea nei ko nga tikanga o “Te Ture Whakanohonoho Kainga i Niu Tireni, 1863,” kia tau ki runga ki tetahi takiwa ko Mohaka ko Waikare te ingoa.

A notemea i muri iho o te whawhai kua pahure ake nei i mahia tetahi Pukapuka Whakariteritenga e Te Kawanatanga o Niu Tireni i tetahi taha, ratou ko etahi tangata Maori i piri pono ki te Kawanatanga, a i whai take ki nga whenua i roto i taua takiwa i tetahi taha, mo te whakaotinga o nga paanga o aua tangata ki taua takiwa, a e takoto ana taua Pukapuka Whakariteritenga ki roto ki te Tari o te Hekeretari o nga Whenua o te Karauna.

A notemea i runga i nga tikanga o “Te Ture mo te Takiwa o Mohaka o Waikare, 1870,” i whakatuturutia taua Whakariteritenga, timata i te 13 o nga ra o Hune, 1870, kia tino tau nga tikanga o taua Whakariteritenga ki runga ki te Kawanatanga o Niu Tireni, ki runga hoki ki nga tangata kua whakahuatia nei o ratou ingoa i roto i taua Pukapuka Whakariteritenga, ki roto hoki ki te Kupu Apiti e mau ana ki taua pukapuka.

A notemea i runga i nga tikanga o taua Ture kua whakahaerea e te Kawanatanga nga pihi whenua kua oti nei te whakahua i roto i taua Pukapuka Whakariteritenga, me te Kupu Apiti e mau ana ki taua pukapuka, a kua oti nga rohe o aua pihi te ruri, kua oti hoki te whakaahua ki runga ki te mapi e takoto ana i roto i te Tari o te Tumuaki Kairuri i Nepia.

A notemea kua whakatakotoria i roto i taua “Ture mo te Takiwa o Mohaka o Waikare, 1870,” ko aua pihi whenua katoa kua whakahuatia i roto i nga rarangi 1, 2, 3, 4, 5, o taua Pukapuka Whakariteritenga, ka tino taka ki te Kuini ana ka puta tetahi panui a te Kawana i roto i te Kahiti o Niu Tireni, e ki ana kua oti te ruri o aua pihi, a ka pera he tikanga mo aua whenua me era atu whenua i riro nei i runga i nga ritenga o “Te Ture Whakanohonoho Kainga i Niu Tireni, 1863,” me nga Ture whakatikatika i taua Ture, a kua puta taua panui a te Kawana i roto i te Kahiti.

A notemea kua whakakorea inaianei nga tikanga o “Te Ture mo te Takiwa o Mohaka o Waikare, 1870,” a notemea kua mahia tetahi Ture e te Paremata kua pahure tata nei, ko te ingoa o taua Ture ko “Te Ture Whakatikatika i te Ture Whenua Maori, 1881,” a e mea ana tetahi rarangi o taua Ture e tika ana, i runga i te tono a te Minita mo te taha Maori, ma te Kooti Whenua Maori e ata kimi marire e whakatau hoki kowai ma nga tangata no ratou aua pihi whenua, haunga ena kua oti nei te whakaatu ki roto ki nga rarangi 1, 2, 3, 4, 5, o taua Pukapuka Whakariteritenga, a kia whakaputaina atu he Tiwhiketi ki aua tangata.

A notemea hoki kua tae mai tetahi tono a Te Roretana, tetahi o nga Mema o te Runanga o te Kawana, he mea tuku mai taua tono mo te Minita mo te taha Maori, he mea tuhituhi i te 23 o nga ra o Nowema, 1881, kia kimihia mariretia kia whakataua hoki e te Kooti Whenua Maori kowai ma nga tangata e whai take ana ki aua whenua.

Na, ka whakaritea e ahau, e te Penetana, e te Tumuaki Kaiwhakawa o te Kooti Whenua Maori, kia tu tetahi Kooti ki Te Wairoa, Haaki Pei, a te 1 o nga ra o Mei, 1882, hei whakaoti i taua mea.

Inahoki toku ingoa i tenei 8 o nga ra o Tihera, 1881.

Na, Tumuaki Kai-whakawa.

Printed under the authority of the New Zealand Government, by GEORGE DIDSBUKY, Government Printer, Wellington.