✨ Native Land Court Notices
872
THE NEW ZEALAND GAZETTE.
| Name of Claimant. | Name and Locality of Block. | Boundaries. | Place where Plan will be deposited for public inspection. |
|---|---|---|---|
| The Governor | Pukahunui Tuwhangau-poko, near Galatea, Tarawera | The boundaries are shown on the map. | The maps of these lands, if they have been surveyed, can be seen at the Office of the Inspector of Surveys, Auckland. |
| The Governor | Heruiwi, near Galatea, Tarawera | The boundaries are shown on the map. | |
| The Governor | Kaingaroa East |
Tari o te Kooti Whenua Maori,
Akarana, Hune 5, 1878.
NOTEMEA e tika ana i runga i nga tikanga o te Ture Whenua Maori, 1873, ma te Kooti Whenua Maori,
i runga i te tono a tetahi tangata Maori e whai paanga ana ki tetahi whenua kua whakatapua nei ki
te moni a te Kuini he mea tuku atu taua moni e nga Apiha kua tino whakaturia hei hoko whenua Maori mo
te Kuini; i runga ranei i te tono a te Kawana kia rapu marire te Kooti ki te hea te wahi ranei a te Kuini i
roto i taua whenua i runga i nga tikanga o te Ture, e whakawa i taua tono he mea kia whakaputaina atu te
Kupu whakatau a te Kooti mo taua whenua—me whakaoti ranei nga whakariteritenga i runga i nga tikanga
e pai ai te Kooti; me wehewehe ranei ki te hunga e whai take ana ki reira i runga i nga ritenga e tika ana
ki ta te Kooti titiro; me whakahoki mai ranei te moni; tetahi wahi ranei o te moni, kua riro nei i nga
tangata Maori mo taua whenua; ka puta ranei te kupu a te Kooti kua hokona rawatia atu ki te Kuini
taua whenua, tetahi wahi ranei o taua whenua, a ka tino whai mana aua whakataunga. A ki te kitea e te
Kooti kua hokona etahi whenua, tetahi wahi ranei o aua whenua, ki te Kuini, heoi ano ka whakatuturutia
ki a ia, ki ona uri ki ana ranei e whakarite ai hei Whenua Rahui mo te Karauna, a ko reira mutu rawa ai te
take Maori ki runga ki aua wahi.
Notemea hoki e whai mana ana te Minita mo te taha Maori i runga i nga tikanga o te Ture Whenua
Maori, 1877, kia tukua ki te Kooti Whenua Maori he tono kia rapua mariretia e te Kooti te hea te wahi
ranei o nga whenua kua riro nei i a te Kuini, a ko reira tahuri ai te Kooti ki te whakawa i taua tono, a ka
rite te mana o te Kooti ki te whakawa i aua tu tono ki tona mana ki te whakawa i nga tono noa iho a te
tangata. Kia whakina katoatia nga korero e tau ana ki runga ki te whenua ki te aroaro o te Kooti, katahi
ano ka whakataua ki ta te Kooti i kite e tika ana. Ko te hea te wahi ranei o nga whenua katoa i kitea nei
e te Kooti kua riro i a te Kuini i runga i te hoko ka whakatuturutia rawatia atu ki a ia i te ra tonu o te
Kooti, ki ona uri ki ana ranei e whakarite ai.
A notemea kua tukua mai ki ahau e te Minita mo te taha Maori he tono kia whakaturia tetahi Kooti
hei kimi marire i te hea te wahi ranei o te Kuini i roto i nga whenua e mau nei nga ingoa i te rarangi
tuarua i raro iho nei, ko nga rohe kei te rarangi tuatoru, he Panuitanga tenei naku, na Te Penetana, na te
Tumuaki Kaiwhakawa o te Kooti Whenua Maori, kia mohiotia ai ka tu te Kooti Whenua Maori ki Karatia
Tarawera, i te Porowini Takiwa o Akarana, a te 19 o nga ra o Hune, 1878, timata i te tekau o nga haora o te
ata.
NA PENETANA,
Tumuaki Kaiwhakawa.
| Ko nga ingoa o nga Kaitono. | Ko nga ingoa o te whenua me te Takiwa hoki. | Nga rohe. | Ko te takotoranga o te mapi. |
|---|---|---|---|
| Te Kawana | Pukahunui Tuwhangau-poko, e tata ana ki Karatia, Tarawera | Kei te mapi nga rohe | Mehemea kua oti enei whenua te ruri ka kitea nga mapi ki te Tari Ruri a te Kawanatauga i Akarana. |
| Te Kawana | Heruiwi, e tata ana ki Karatia, Tarawera | Kei te mapi nga rohe | |
| Te Kawana | Kaingaroa East |
Printed under the authority of the New Zealand Government, by GEORGE DIDSBURY, Government Printer, Wellington.
NZ Gazette 1878, No 57
✨ LLM interpretation of page content
🪶
Notification of Native Land Court Sitting regarding Crown Land Claims
(continued from previous page)
🪶 Māori Affairs5 June 1878
Native Land Court, Land Claims, Crown Land, Pukahunui, Heruiwi, Kaingaroa East, Court Sitting, Tarawera
- Penetana, Chief Judge