1466

THE NEW ZEALAND GAZETTE.

Tari o te Kooti Whenua Maori,
Akarana, Oketopa 4, 1878.

NOTEMEA e tika ana i runga i nga ritenga o te Ture Whenua Maori, 1873, ma te Kooti Whenua Maori,
i runga i te tono a tetahi tangata Maori e whai paanga ana ki tetahi whenua kua whakatapua nei ki
te moni a te Kuini, he mea tuku atu taua moni e nga Apiha kua tino whakaturia hei hoko whenua Maori
mo te Kuini; i runga ranei i te tono a te Kawana kia rapu marire te Kooti ki te hea te wahi ranei a te
Kuini i roto i taua whenua i runga i nga tikanga o te Ture, e whakawa i taua tono he mea kia whakapu-
taina atu te Kupu Whakatau a te Kooti mo taua whenua—me whakaoti ranei nga whakariteritenga i runga
i nga tikanga e pai ai te Kooti; me wehewehe ranei ki te hunga e whai take ana ki reira i runga i nga
ritenga e tika ana ki ta te Kooti titiro; me whakahoki mai ranei te moni, tetahi wahi ranei o te moni, kua
riro nei i nga tangata Maori mo taua whenua; ka puta ranei te kupu a te Kooti kua hokona rawatia atu ki
te Kuini taua whenua, tetahi wahi ranei o taua whenua, a ka tino whai mana aua whakataunga. A ki te
kitea e te Kooti kua hokona etahi whenua, tetahi wahi ranei o aua whenua, ki te Kuini, heoi ano, ka whaka-
tuturutia ki a ia, ki ona uri ki ana ranei e whakarite ai hei Whenua Rahui mo te Karauna, a ko reira mutu
rawa ai te take Maori ki runga ki aua wahi.

Notemea hoki e whai mana ana te Minita mo te taha Maori i runga i nga tikanga o te Ture Whenua
Maori, 1877, kia tukua ki te Kooti Whenua Maori he tono kia rapua mariretia e te Kooti te hea te wahi
ranei o nga whenua kua riro nei i a te Kuini, a ko reira tahuri ai te Kooti ki te whakawa i taua tono, a ka
rite te mana o te Kooti ki te whakawa i aua tu tono ki tona mana ki te whakawa i nga tono noa iho a te
tangata. Kia whakina katoatia nga korero e tau ana ki runga ki te whenua ki te aroaro o te Kooti, katahi
ano ka whakataua ki ta te Kooti i kite e tika ana. Ko te hea te wahi ranei o nga whenua katoa i kitea nei
e te Kooti kua riro i a te Kuini i runga i te hoko ka whakatuturutia rawatia atu ki a ia i te ra tonu o te
Kooti, ki ona uri ki ana ranei e whakarite ai.

A notemea kua tukua mai ki ahau e te Minita mo te taha Maori he tono kia whakaturia tetahi Kooti
hei kimi marire i te hea te wahi ranei o te Kuini i roto i te whenua e mau nei te ingoa i te rarangi tuaurua
i raro iho nei, ko nga rohe kei te rarangi tuatoru, he Panuitanga tenei naku, na Te Penetana, na te Tumu-
aki Kaiwhakawa o Te Kooti Whenua Maori, kia mohiotia ai ka tu Te Kooti Whenua Maori ki Tauranga, i
te Porowini Takiwa o Akarana, a te 12 o nga ra o Nowema, 1878, timata i te tekau o nga haora o te ata.

Na PENETANA,
Tumuaki Kaiwhakawa.

| Ko te ingoa o te Kaitono. | Te ingoa o te whenua me
te Takiwa hoki. | Nga rohe. | Ko te takoto-
ranga o te mapi |
| :--- | :--- | :--- | :--- |
| Te Kawana ... | Te Puke, e tata ana ki
Maketu | Ka timata i Otumatawhero, Teihana ruri
17, haere tonu Te Kopua, Kaituna
awa, haere i roto o Kaituna, ka peka ki
Waiari awa, haere i roto o Waiari Te
Puke, haere tonu i te awa o Waiari ka
hono ki Oturuturu awa, haere tonu i
Oturuturu awa ka hono ki Mangatoi
awa, kei Waitakahi, ka peke ki uta,
haere tonu i uta ki Otanewainuku,
Teihana ruri 15, ka rere whaka te
Hauraro te rohe potae o Te Kawana-
tanga Otara, Teihana ruri Nama 1,
rere tonu ki runga i te rohe potae, ka
taeki Waitakei, Teihana ruri Nama 16,
haere tonu i te akau, a, te timatanga | Ka kitea mapi o tenei whenua ki
te Tari o te Kairuri a te Ka-
wanatanga i Tauranga. |

Printed under the authority of the New Zealand Government, by GEORGE DIDSBURY, Government Printer, Wellington.